متي سينقرض الرجال؟

عفوا..للاسف..ممكن تشوف ان تحكم المراه في البيت بقي امر طبيعي تحت مسمي التطور و الحداثه والمدنيه وغيرها

لكن هذه مصيبه كبيره وهي تحول الرجل الي ATM بيدفع بس لكن ملهوش اي دور في البيت وده مخالف حتي لتعاليم الغرب فضلا عن الفطره الطبيعيه وطبعا مخالف لتعاليم الاسلام

لو الاب ملهوش دور لم يخلق الله سيدنا ادم قبل امنا حواء بل من الأساس كان ربنا خلق حواء فقط وجعل البشر كلهم نساء فقط فقد خلق سبحانه ذلك في بعض الحيوانات مثل جراد البحر و تنين كومودو و السحالي و أسماك القرش المطرقة والزنابير الطفيلية فهو القادر سبحانه..لكن للاب دور مهم جدا..المراه عاطفيه بالأساس تغلب عندها العاطفه علي العقل في كثير من الأمور فهي منبع العطف و الحنين.

اما الاب فيغلب عليه العقل و تقل عنده العاطفه فتجد منه الحزم و الشده الذي تؤثر في الأبناء

مثال بسيط ولد او بنت مش عايز يروح الدرس الام هتفضل تزعق و في الآخر الولد أو البنت مش هتروح

اما الاب ???? فعدوك علي اللي هيعمله اولا يتصل بالمدرس يقوله كسر ابني انا جايبهولك دلوقتي و قلمين حلوين والواد مش بيعيط حتي ???? و يروح الدرس يتروق و يرجع يلاقي الحزام ابو توكه حديد مستنيه

اما في حاله غياب دور الاب فبيكون واضح في سلوك الابناء، وده بنعاني منه كلنا الآن غياب الاخلاق و تبجح بعض الابناء وتعديهم علي الوالدين

فما تزرعه او تعود عليه اولادك انت اول من تجني ثماره ان خيرا فخير وان شرا فشر

نعم_لعوده_دور_الاب_في_تربية_الابناء

طيب انا شايفك ياللي عايز تقول ليه القسوه دي..ان ماتدلعش في عز ابوه هيتدلع امتي

انا عيالي لازم يتربو تربيه حديثه..اقول انه طبعا كلنا ضد القسوه او التعنيف المفرط الصح هو لا افراط ولا تفريط

يعني خير الأمور الوسط..مثال بسيط هيوضح المعني اكثر

الذهب بيطلع من الطين و الكثير من الشوائب علشان كدا في دهب عيار 24 و 21 و 18 والذهب كله نوع واحد اما الاختلاف في عيارات الدهب ده السبب فيه هو نقاء الذهب فكلما زاد نقاء الذهب كلما ارتفعت قيمته و بالطبع ارتفع ثمنه وتتم عمليه رفع نقاء الذهب بتعريضه للنار وكلما ارتفعت حراره النار كلما زاد نقاءه

وكذالك الواحد منا كلما زاد احتكاكه بالحياه كلما زاد الطلب عليه في الحياه عموما يساله الناس في امور حياتهم و يطلب في التوظيف الأكثر خبره