حذرت الدكتورة بسمة يسري، طبيبة تغذية علاجية، من خطورة تناول عصير القصب، فى محلات تعده بطريقة ملوثة، لافتة إلى أن هناك كارثة صحية تتم أثناء أعداد عصير القصب تتمثل فى عدم نظافة العيدان من الملوثات بشكل جيد.

وتابعت طبيبة التغذية العلاجية، خلال حواره مع الإعلامية إيمان رياض، بحلقة برنامج "من القلب للقلب"، المذاع على فضائية "mbcmasr2"، اليوم الاثنين: "عصير القصب منعش فى الضيف، لكن لازم الأول نتأكد من نظافة المحل اللى بنشتري منه، لأن فى حاجة خطر جدا بتحصل إن بعض المحلات بتعصر عيدان القصب من غير ما تغسله وبيكتفوا بس بانهم بيزيلوا الزوايد اللى فيه عشان يكون سهل العصر مش عشان النظافة ومهما يصفى فى المصفة الحاجات دى بتكون موجودة فى العصير وبتلاقى شوائب فى آخر الكوباية، وده بيكون لها أضرار كبيرة على صحة الإنسان وقد تسبب نزلات معوية وغيرها".

واستكملت: "المحلات تقدم العصير فى كوبيات زجاج وبيكتفوا بغسلها بالمياه بس ومش بالمياه والصابون وده ممكن ينقل أمراض للناس، فلازم لو هنشرب عصير يكون فى كوبيات تستخدم لمرة واحدة، والأفضل صحيا إننا نجيب عيدان القصب ونقشرها ونمضعها عشان نستفيد أكثر صحيا".

واشارت إلى أن عصير القصب به الكثير من الفوائد الصحية والعناصر الغذائية الهامة، منها البوتاسيوم، والماغنسيوم والعديد من الفيتامينات، لكن السعرات الحرارية فيه عالية جدا تصل إلى ٢٠٠ سعر حرارى، وبالتالى الإكثار منه يسبب مشاكل صحية كثيرة منها مقاومة الأنسولين، والسمنة، والسكر من النوع الثاني، ومشاكل فى الكبد.