تامر عاشور يعلق على صورته مع طفلة السرطان: ”عمري ماتريقت على حد”

جريدة البوابة المصرية
جريدة البوابة المصرية
قفشة يضيف الهدف الثاني للأهلي في مرمى الاتحاد بانون يتقدم للأهلي بهدف في مرمى الاتحاد كورنا في مصر.. استثناء مطاعم الفنادق من قرار الغلق الزمالك يتقدم على سموحة بهدفين في الشوط الأول العثور على جثة شخص بأحد شوارع السلام والتحريات ” وفاة طبيعية ” مدير أمن القاهرة يتفقد الشوارع والميادين للتأكد من إغلاق المنشآت التجارية شوط أول سلبي بين الأهلي والاتحاد السكندري محمد صلاح يفوز بجائزة لوريوس العالمية للإلهام الرياضي مروان محسن يقود هجوم الأهلى أمام الاتحاد السكندري الاتحاد السكندري بالقوة الضاربة أمام الأهلي الزمالك يهاجم سموحة بـ” شيكابالا وبن شرقي وأحداد” ازدهار التصويت القائم على بلوك تشين: جلسات التصويت عبر الإنترنت زادت ثلاث مرات خلال عام الإغلاق 

فن وثقافة

تامر عاشور يعلق على صورته مع طفلة السرطان: ”عمري ماتريقت على حد”

رد الفنان تامر عاشور على الانتقادات التى طالته واسيئ فهمها بعد نشر في بوست سابق صورة له مع طفلة مصابة بالسرطان وهو يعطيها برتقالة وكان قد علق عليها: "خديها أنت أنا صايم يافاطرة.. بحبك".


وكتب" عاشور"، على صفحته الرسمية بموقع التواصل الاجتماعي فيسبوك:" صباح الخير - انا طول حياتي ومشواري عمري ما اتريقت على حد سليم علشان اتريق على مريض حاش لله- واللي اخد كلامي تريقة على مريض نفوسهم ضعيفة وهم اللي مرضى بيفرقوا بين المريض والشخص الطبيعي.


وتابع: "لو نزلت صورتي مع أي طفل " اللي هو غير مُكلف بالصيام " وقولتله بأي طريقة،"متشربش مياه قدامي يا فاطر " أو "خد دي يا فاطر انا صايم "،حد هيتكلم ؟ مستحيل علشان طفل طبيعي،لكن المريض لاااااا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعامولاتنا ".


واستكمل عاشور:"المرض الحقيقي هو التفرقه بين اطفالنا اللي بصحه جيده ربنا يديهم كل الصحه واطفالنا اللي ربنا اختارهم للمرض،المرض الحقيقي هو ان فكره " المعايره " جاتلك قبل ١٠٠ فكره تانيه ممكن تجيلك من جمال البنت وضحكها وبهجه الصوره وللأسف شوفت كمان حاجه غريبه جدا، ناس كتير قوي محسوبين على "هامش هامش هامش المجال الفني " عمرهم ما شافو مني حاجه وحشه غير اني مباديهمش مواعيد لاقيتلهم تعليقات كأنهم ما صدقوا لاقولي غلطه وانصحهم "العمر بيجري حاولو تعملو حاجه لنفسكم أولى".


وأنهى تعليقه كاتبا:"البنت اللي في الصوره فضلت ف حضني طول تصوير الإعلان وبحبها جدا جدا ومتفقين انا وهي على حاجات كتير قوي قوي هنعملها".