ظهر كلا من النجم كريم عبد العزيز والنجمة هند صبرى، خلال فيديوهين جديدين نشرتهما الإعلامية بوسى شلبى، والذى علقا خلالهما بعد حصول فيلم "الفيل الأزرق2" على أغلب جوائز السينما العربية ACA برئاسة ماجد حسنى، والتي بلغت 15 جائزة.

وقال النجم كريم عبد العزيز خلال الفيديو: "مساء الخير عليكم جميعا أنا بشكركم جميعا وأستاذ ماجد حسنى وزملائى في ترشيحي للجايزة، وأكيد الجايزة لما بتكون زميل ومعاك في نفس الشغل لها طعم، غير الجمهور اللى برده له طعم تانى خالص، أنا بشكركم جدا ودى تانى جايزة السنة دى مع بعض ومتشكر جدا".

فيما قالت النجمة هند صبرى: "أنا بشكر ACA على الجائزة وبشكر الناس اللى صوتت ليا كان نفسى نكون مع بعض ونتقابل وجها لوجه، ولكن للأسف الظروف الحالية خلتنا نقبل الجائزة من بعيد، ولكن أنا ممتنة جدا، وبشكر كل الناس اللى صوتت لدورى في فيلم (الفيل الأزرق 2)، وأهنئ كل زميلاتى المرشحات لأنهم كلهم يستاهلوا، وإن شاء الله السن الجاية نكون مع بعض".

وكان حفل جوائز السينما العربية انطلقت يوم الجمعة الماضى، وحصل فيلم "الفيل الأزرق 2" على 15 جائزة بتصويت كل العاملين بمهنة التمثيل، حيث حصد النجم كريم عبد العزيز جائزة أفضل ممثل دور أول، وحصدت النجمة هند صبرى على أفضل ممثلة دور أول، وحصد الفيلم نفسه على جائزة أفضل فيلم.

https://www.instagram.com/p/CESFbGSnRCU/?igshid=hhpx74m2w4eg

https://www.instagram.com/p/CESD-WnHoYh/?igshid=rbvol7dexerr