قال الإعلامي عمرو أديب إنه ليس مع الإغلاق التام للاقتصاد ولكن يجب أن يكون هناك حل في التعامل مع تجمعات الشوارع التي تتسبب في تضاعف أعداد الإصابات بكورونا.

وتابع خلال برنامج “الحكاية” المذاع على قناة “إم بي سي مصر”: “الدولة المصرية لا زالت تتعامل مع المصريين بالتفاهم والمناشدة.. النهاردة وإمبارح المصريين في الشارع بيشموا النسيم والناس بتتفسح.. ولقينا شباب اتجمعوا أمام أحد البنزينات في الشيخ زايد ومحدش بيعملهم حاجة واتخانقوا معانا وإحنا بنصورهم”.

وتساءل “أديب”: هل التسكع على النواصي والأفراح في الشوارع مسموح به قانونا في الوقت الحالي؟.

وأكمل:”يا أهل الخير أنا خايف عليكوا الشاب بيتجمع برا ويتصاب بكورونا ويروح ينقله لأهله في البيت.. متي سيتم تطبيق القانون على هؤلاء ؟ فيه ناس من ألمانيا بتكلمنا انتوا عاملينها إزاي وهي ماشية كده إزاي؟!”.

وأستطرد: ”لا أدعو لوقف الاقتصاد ولكن ما هو الإجراء مع التجمعات غير المفهومة في الشارع مثل زفة العروسة وفرح اسكندرية.. اقسم بالله أنا خايف عليكم واحنا ربنا ساترها معانا انا ابتديت ابقي نكتة في مصر من كتر مناشدتي للناس بس هنفضل لحد امتى نعمل أفراح وتسكع في الشارع.. ساعدوا البلد يا عالم أنتوا بتحبوها ولا بتكرهوها؟”.

وتابع:”أرجوكم وأتوسل اليكم أرقام الإصابات بكورونا بتزيد نلتزم شوية بقي وأعطوا الناس فرصة تاكل عيش وتروح شغلها”.